Minnətdarlıq əlaməti olaraq: Şimon ben Polina və Rafazl ben Zumrud’a.

Böyük kahin Şimon ha-Cadik (Saleh Şimon) eramızdan əvvəl IV əsrdə belə demişdir: “Dünya üç əsas dayaq üzərində dayanır: Tövrat, Tanrıya ibadət və xeyirxah əməllər.”

Yaxşı əməllərin müxtəlif növləri olur: işə vaxtında gəlmək və vicdanla yerinə yetirmək, ailəyə qayğı göstərmək, yaxınlara və qohumlara yardım etmək, ətrafdakıların həyatını çətinləşdirməmək və pozmamaq da çox xeyirxah bir əməldir.

Çoxsaylı böyük və kiçik yaxşı əməllər arasında xüsusi yer ianələrə, xeyriyyəçiliyə və hədiyyələrə məxsusdur. Bəzən bu əməllər dünyasını dəyişmiş doğmaların xatirəsinə edilir. Bu xeyirxah ənənə qədimdən yəhudilikdə, yəhudi icmalarında yaranmış və zamanla bütün avraamik dinlərin icmaları tərəfindən də qəbul edilmişdir.

Bu möhtəşəm ənənənin yeni və gözəl bir nümunəsi — Tikun Leil Şavuot (“Şavuot Gecəsinin Tikunu”) adlı əla kitabın nəşri oldu. Onun 100 nüsxəsi Bakı yəhudilərinə bağışlandı. Bu ləyaqətli işi doğmalarının xatirəsinə Şimon ben Polina və Rafazl ben Zumrud həyata keçirmişdirlər.

Tikun Leil Şavuot — Şavuot bayramı üçün çox gözəl bir hədiyyədir.

Yəhudi təqvimində “Toradan gələn” bayramlar var – yəni birbaşa Tövratda qeyd olunanlar. Digərləri isə – tarixidir: yəhudi xalqının tarixində baş vermiş sevincli, kədərli və ya faciəli hadisələrin xatirəsinə təsis edilmişdir.

Şavuot bayramı birbaşa Tövratda təsbit olunub. Müdriklərimiz bu bayramın dəqiq tarixini – yəhudi təqvimi ilə 2448-ci il, Sivan ayının 6-sı – Tövratın verildiyi gün kimi müəyyən etmişlər.

Müdriklərimiz təyin etmişlər ki, Şavuot gecəsi yuxusuz keçirilir və bütün gecə ərzində Tövrat oxunur.

Tövratın qısa xülasəsi Tikun Leil Şavuot kitabında yer alıb, və məhz bu səbəbdən bu kitab yalnız həmin gecədə oxunur.

Tikun sözü özü islah, düzəltmə mənasını verir – yəni əməllərimizin və həyatımızın kamilləşdirilməsi naminə edilən islahat.

Şimon ben Polina və Rafazl ben Zumruda bu xeyirxah əməllərinə görə təşəkkür edirik
Uca Tanrının şərəfinə və insanların xeyrinə.

V. Slepak