İcmamız Azərbaycan təyyarəsinin qəzaya uğraması nəticəsində çoxsaylı qurbanların və yaralıların olduğu bu faciə ilə əlaqədar həlak olanların ailələrinə dərin hüznlə başsağlığı verir. Biz ailələrin kədərini bölüşürük və yaralıların tezliklə sağalması üçün dua edirik.

Bu faciəvi hadisə ilə əlaqədar Xanuka münasibətilə keçiriləcək tədbirimizin proqramında dəyişikliklər etdik. Xanukiyanı yandıracağıq və şamların yandırılmasını həlak olanların xatirəsinə həsr edəcəyik. Bundan əlavə, yaralıların sağalması və onların ailələrinə dəstək üçün xüsusi dua mərasimi keçiriləcək.

Tədbirin musiqi hissəsi uyğunlaşdırılmış formatda olacaq: ritmik və coşqulu mahnılar əvəzinə hörmət və başsağlığı ab-havasını əks etdirən dua xarakterli və mənəvi kompozisiyalar ifa olunacaq.

Bütün icma üzvlərini xanuka şamlarının yandırılması mərasiminə və ümumi tədbirə qoşulmağa dəvət edirik ki, birgə olaraq Xanukanın təmsil etdiyi işığı, birliyi və ümidi ifadə edək.

Hörmətlə,
İcma rəhbərliyi